gen koze pou tande

Vanm peti peti peta glout,nan tout lakou nte konn ap jwe  Alarive ,
lago lago ak men manman m tololo nte konn rele 
 Koud foud zèklè pote akiltirasyon vini ,'l ba kilti'n koudeta 
 Pa gen womans nan ti forè n pèdi lonbray nan koupe bwa
                                               (Gft Jean) 

Kachkachinkola seliben welewele bwèt  
Ralba bouchon kola pa woulepa gen abit san souflèt 
Kreyòl kremol pran kout ba se awayou kòmanvati 
Kilti kilbite, wi li te kilti wi li mal bati 

                                                                             (Marcus Dorvil) 

Mwen fin rive konprann prkisa jounen jodi a ti moun pa jwe marel ankò 
Yo chalbore kilti nou tribò pa bò Medame yo vin pa jwe roslè ankò 
Tekonoloji vini boykote kilti ,nou ekri let pa alamòd ankò 
Sa ki koz menm lanmou pedi rekò 
Nou menm nan mande kiyes nan ki gen tò 

                                                                           (Judson Le sage) 

M pap bay manti vyej pete na wè twop kokoday ak vwazinay 
 lasi avegleman gonmen kwen je,n'pa we sin pran nan foulay  
Peripesi'n nan peyi isi sanble lave men siye atè,pou granmesi  
Anbysyon'n pete potay alamaskay li fout avili tout foli gran dezi 

                                                                              (Gft Jean) 

Kilti pran egzil nan dezè a li trepase
 Ziltik akiltirasyon vin pi pre depase
 Ou wè nan tou zidan sa dwèt mitanw ap pran zikòs 
soperye sote kòd sa a manje mango pen nan sòs 

                                                                             (Marcus Dorvil) 

Mwen pral nan klas  
Mwen pap ka di plis men mwen santim elas
 Pou map gade koman raboday nan vi jenes la jwe 1er klas 
 De nos jour pyes moun pa ale chas 
 Sa ki koz nou tout ap tann kras
 Vye poul blanch nan dominiken ki plen odas 

                                                                            (judson Le sage) 

Gran tizè pyajè vinn vòlè 
yo pran yale yo di na wè  
Sak di'n,Tranpe pen nan kafe bay kè plen depi kilè 
 Nouvel jenerasyon inyore gonfle midi pete de zè  
Tòkèt respè'n tonbe,bonèt ochan'n chavire'n san valè 

                                                                               (Gft Jean) 

Nan boukannen lam bazilik piman kisak pa bon?  
Nan boukannen dous kokonèt fresko kisak makawon 
 Plis tonmtonm jeremi plis kasav ba linbe  
Kann kale ladouskivyen kachiman kenbe 

                                                                      (Marcus Dorvil) 

Lakay yo met pye e fè dega san rete 
Denye richès ak patrimwan yo elimine
 Yo fén pa kwè nan tèt nou, frè´n ak sè´n yap itilize 
Sa nou gen ki bon yo fén jete, ata kochon´n yo devaste
 E sak fé´m mal jiskaprezan pa gen pèson pou di ase 

                                                                      (Jeremi Denzel) 

 Lajenes se abraram nou'k pou di sètase, 
sera seta  Nou miwo miba,Bwa mare 
drapo kilti'n flote twò ba  Nou pa moun loray kale
,gon makadan zanset sou po'n  
Kole pyese 'n nan linite,nou tout ladan'n gon chay sou do'n 

                                                                           (Gft Jean) 

Pa gen fyète nan tete mwèl 
 Chagren fè te vèvèn pete fyèl 
 Kilti nou se fòs ak figi nou 
Wi, kwèdèk pawòl nou sanlè pèdi peyi nou 

                                                (Marcus Dorvil) 

Yo bann tout defo e di nou pa sivilize 
N´gen twop defo, bo kote´n moun nou paka rete 
Yo sal imaj nou, avek nou zòt pè koabite 
San yo pa remake c ti kob yap bay anba anba
 Pou jwe nan lide sak pi ba,
 Ki lakoz nou paka solidè youn ak lòt,
 Ki lakoz youn plis anvi manje lòt, 
Epi pou deklare ke c misyon enposib,

 pase´n nan rizib… 

                                                             (Jeremi Denzel)